LMF( 大懶堂 ) Crazy Children[嘻武門]

1.1127

作詞：Lmf
作曲：Lmf
編曲：Lmf

Chr：
有佢教曉我地唔係東亞病夫
黃皮膚都可以做番自己
唔要跟人地抄人地黐人地
中國人唔要睇死自己

Mc Yan：
公元二千年中國五千年
六十年前呢度 曾經出過一個人
大家又知唔知道 佢又做過一o的事
行過一條路 令到全世界o既人都知道
乜o野叫做中國人中國精神
佢拍過電影四五部 透過活動o既影像螢光幕上
前所未有o既動作速度 拳腳套路哲學角度
無分國度用現代o既電影製造
向全世界解釋中國功夫文化
又行o左一條新o既道路
截拳道 大懶堂今次o係呢度
淨係想你做番一個似樣o既中國人
可以學人唔使下下抄人
至好就用心去消化人地點做
試下又問下
呢度點解又有一班失敗o既人
唔支持自己人成日走去扮其他人

Phat：
一個大中華 一個李小龍
無一個中國人唔為佢覺得驕傲
西洋拳劍柔道詠春北派堂腿十二路
各門各路各式各樣 每一種招數
佢都用紙筆去紀錄 紀錄低
唔駛做乜o野門派o既徒弟
以無法為有法
你自己就係最好o既方法
要真正表達你本質
至係最積極o既武德

Kit：
佢揀o左呢條路佢又行出o左呢一步
創立o左一套拳法叫做截拳道
佢o既主張做人要有自己o既態度
唔可以墨守成規就原地踏步
成日企響度 得個諗字又唔走去做
做 又諗o左條歪路
想做就去做 但就最緊要行條正路
就如截拳道 療陰插眼佢一定唔做

Mc Yan：
唔要欺騙自己 扮假鬼唔三唔四
李小龍精神不死 中國人唔會忘記
唔要欺騙自己扮 假鬼唔三唔四
李小龍精神不死 中國人唔會忘記

Wah：
你要知道我地中國人有乜唔好
我地有五千年歷史你有冇
為o左面子變成白色恐怖
你問心o個句你有冇
我想知道我地中國人有乜唔好
你話我封閉 我話我有分數
為世界貢獻又有乜唔好
係每個人最基本你做到


2.YYYY

作詞：Davy
作曲：Davy／Prodip／Jimmy／Mc Yan／Wah／Kit／Phat

Chr：
你有幾硬 幾硬 幾硬
(你估我) 怕你呀!
你有幾假 幾假 幾假
(你估我) 怕你呀!
你有幾大 幾大 幾大
(你估我) 怕你呀!
唔係怕你有乜 我地唔係好恰

Mc Yan：
衝突 就會有好多種
夠膽同你撐 因為我地有種
你可能有d野但係唔係老馮
人少少係度我都唔怕你做
小事化大 呢度就唔到你話大
無事生非 以為d人唔理一味作大
我地大不了攬住一齊死
你咪自己呃自己 衰左一味靠賴

Kit：
鍾意懶型 種意扮勁
識少少扮代表係你o既造型
衰就要認 打要企定
大懶堂最增人無料到又要扮勁
喂 唔好俾佢地走
佢呢種人正一門口狗
做錯o野剩係識得搵藉口
我要打救你條友 塞住你地把口

Phat：
超!喱度d人睇o野不嬲都唔清唔楚
做多錯多唔做唔錯 鍾意就將錯就錯
我地讀書唔多
你唔好當我傻
大懶堂 夠薑係度大大聲講

Wah：
大人卑鄙 細路跟住會無知
社會風氣 無腦o既人俾佢迷住
只要相信有道理
撐住射住 六百萬人 人群裡面頂得住
你無知 仲要我跟你扮白癡
我唔知 我做緊我想做o既事
我o既事只不過係小小心願
回歸返去單單純純既日子

Kit：
喂.... 點解你咁冇原則
有著數就叫你扮狗都得
點解要聽佢亂up 車大炮你又信到十足十


3.愛是

作詞：Lmf
作曲：Lmf
編曲：Davy Chan
演唱：鄭秀文

MC仁：有人話過感情本身就係好脆弱
去到某個位就自掘墳墓就如一粒毒藥
又或者O係埋一齊都係為左FUN
一諗起會黐身就會想逃避,RUN
結合分開見過聽過太多
由始至終從一而終又一串囉嗦
你話我口水多我係有感而發
生命唔易明白唔阻你發達

MC KIT：你話同佢唔夾想分手
但係又唔知點樣同佢表白
拖拖拉拉又唔係一個好o既做法
同佢講清楚但係佢又話要自殺
你咁樣挽留一段感情唔係辦法
勉強無幸福究竟你明唔明白
明唔明白我唔係講緊垃圾
你咁大個人用下個腦去解答

SAMMI：命運從未預告 迷糊的國度
想得到 染血的愛又那可修補 過往傷心太早
寂寞時候跳舞 遺忘感嘆號
可感到 放棄的愛任意去傾倒 莫問愛是糊塗

每個細節 懷念作夢 揣測天真 我做清風
每個過去 逃避作弄 可惜悲劇 還依戀你心中

MC PHAT： HONEY, 我想你知道世事唔係每一件都係你諗得咁美好
年紀輕輕O既你又點會想得到真愛只會出現O係螢光幕度
你愛我幾多 我又點會唔知道
O係付出既同又試下企嚮我O既角度
睇一睇 諗一諗 唔好再咁糊塗
唔好再為小事 煩惱 好唔好


4.圍威喂

★Kit：
唉~ 阿哥仔 做乜咁鬼閉翳
生到週身都係 係咪自己！
前幾日同個friend出旺角買四仔
唔知做乜鬼 睇睇
成班海關殺到埋
即刻走鬼 搞到冇得睇
興得滯 疇聲走去上海街度昅女仔
嘩~ 真係好鬼好睇
個個大大個女 曬出
愈睇愈濕滯 真係唔受控制
望望招牌寫住45分鐘任砌
上到去 keepper話有件哈爾濱麗緹
招呼一流 (keepper：包你槓)
喂！入 等我睇妳有幾巴閉
一開波 成隊波餅咁省埋
爭暈低 好在我工夫唔曳
45分鐘一定 將妳砌低

★LMF：
圍威喂 大塊田冇人睇
圍威喂 你細佬流鼻涕

圍威喂 老細幾多位
咪淨係掛住企處睇
鹹濕仔 以為有得威
鱷魚頭 老襯底
圍威喂 老細幾多位
咪淨係掛住企處睇
鹹濕仔 以為有得威
鱷魚頭 老襯底

★MC Yan：
先生幾多位 Mark開邊條仔
大棚出有睇
食豬扮老虎 斷估無痛苦
又要叫個師父 全場最好手勢
又要埋個徒弟 貧佢撩最仔細
你揀女要相頭好
佢嫌女生得矮
咪以為人貧你班友仔靚仔
唔該你塊鏡自己 睇睇
拎條油炸鬼出 大大力 洗洗
頂你個臭肺 要比小費
攝幾舊入包煙仔

★Wah：
我叫華哥 天生個樣好似比人窩
從此自卑連發肉都無正常過
女仔見親我 雞飛狗走咁唔見
有個仲話大姨媽徙此冇過
生唔倒仔走賴我
從此華哥日日被女性折磨
唔知乜叫拍拖
好景四樓四仔冇格仔 冇嫌棄我
有日咁蹺 我企響馬路交界
新填地街 豉油街交界
波濤洶湧 淨係見倒兩點
我跟住佢上樓
佢問我夠唔夠錢 我問佢夠唔夠堅
除衫 格勒底夾住個 波邊

★Phat：
一條冷去酒吧 悶悶地
最好有個靚女 坐大脾
全場件件豬扒 有人背啃至奇 氣
拿拿臨轉場殺過隔離 行到Bar尾 又有件索入
身裁Fit到痺 行路又扭扭地
喳喳臨走埋去介紹自己
小姐妳貴姓呀？ 我叫阿Phat呀！
把口就話今日天氣慶慶地
個心就諗住點樣搞到佢立立
對眼一味 住佢對大脾
下便硬硬 又襯佢醉醉
問佢可唔可以上我屋企
點知佢一開口就嚇到我成個人彈起 火都
原來係人妖！ 佢滷味 嚇餐死


5.Crazy Children

演唱：邱永豪／邱俊豪／陳志剛

★Kit：
呢班靚仔咁鬼騎呢
鬧極佢仲笑騎騎
唔知以為'林謝謝'
原來全部都係大爺
佢話要咁就咁 理得你肯唔肯
諗到就去做 乜叫後果
佢唔知道 恃住自己係細路
乜都當冇到 反而問番轉頭你邊度

★Phat：
我鍾意點就點
你可以繼續鬧 但係我都識閃
你大人 你講真係煩到暈
唔好以為做多幾年人就懶沙塵
黐線 分大細莊閒 我乜都唔知
唔會聽你講 我有我主意

◎★Josie／Crazychildren：
我繼續繼續作反
大個唔要做一舊飯
我掛住掛住去玩
大人講就最煩

★Yan：
Eh？ 呢班古靈精怪
究竟係乜
你試去問佢地呢
佢又會答應第樣
佢行為怪誕
你同佢講乜 佢都有得撐
你要佢靜落 正經落
正常落
佢根本就冇呢種習慣
佢思想言行好似有抽離
人點樣睇 唔會理
換句話講
呢班人就直頭係厚面皮
佢有一個世界係屬於佢自己
你對於佢先至係外界
你先至奇怪

★Wah：
我醒過你大個 唔想跟你附和
你想我認錯 我想同你'鍊'過
點解我唔快樂 聽你講悶到直
點解我唔積極
衰俾你睇代表我冇出息

Michael Lau：
大人有大人囉嗦
佢自己有自己一套道理
細路有細路嘮嘈
自己顧自己 其他人話之你
大人有大人囉嗦
佢自己有自己一套道理
細路有細路嘮嘈
自己顧自己 其他人話之你

我繼續繼續作反
我繼續繼續作反
我繼續繼續作反
我繼續繼續作反


6.好波

演唱：Mc Yan／Eddie Boy

★Eddie Boy：
各位同學
快同我乖乖坐返
今日題目係
「賭波應否合法化？」
全場共九十分鐘
唔洗心急 慢慢 你自己盡情發揮

★MC Yan：
唉 賭波 應否合法化
倒米 又應否合法化
打茅波 又點樣合法化
少林踢波班 就應該最化
 各位先生女士大人細路哥
二零零二又踢返場茅波
個好波之人做開球禮
上海定係大連北方佳麗

不過呢個大球場 保養認真曳
係咁咦 就己經踢到一腳係泥
觀眾席上面 幾萬個粗口仔
唔駛綵排 都一齊圍威喂

正所謂本地薑 未必好砌
本地波 又真係幾難睇
你睇隊'港聯'外勞比例
已經遠遠超出市民古計
世界排名卒之升到百幾位
件波衫都仲係核突設計
咁渣都打假波 竟然仲有人制
國際邀請賽 你淨係二仔底

★LMF：
嘩 任人魚肉 亂咁買 班友仔又嗌錯曬
睇波最好玩 就係一棚人一齊 炒蝦拆蟹
任人魚肉 亂咁買 班友仔又嗌錯曬
唔得 照買 唔得 照溢

★Yan：
開波呢個就已經低縛鞋帶
個又整親 又話比人踩
埋邊個執波仔又向球證投訴
話上面個阿伯嘮嘈 掟水樽落佢度

咦 邊個落場 個個喊住要
咁多個球員之中 呢個都算無運
本地最「傑」運動員 一定有佢份
球證俾球員柄 我問你去邊道

同隊班霸鬥波 千祈咪省到頭
踢完去骨 淨係Tips都幾舊油
叫個軍醫做事 佢又走去護士
要形容呢個現場 咪就係得一個「亂」字

香港一定得 你咪呃仔
聽講個勢 甲組都渣過丙組仔
你係有心搞 自然就多人睇
個球場唔係淨係用唱歌仔


7.國際人渣

一條人命一粒子彈 炸
一項計劃一個炸彈 炸
你滿腦計劃都系將生靈塗炭
只有你玩 人地冇得揀

一個民族一個主義 炸
一個大國家一個借口 炸
你起到咁大都比佢一嗥撞散
就算你大 都唔到你亂咁玩

人類幾千年文明戰爭災難全部都未停過
唔系我打你 就系你打我
歷史嘅教訓從來未吸取過
點解一有事發生
就會有人渣住搶嚟維持秩序
維持人唎嘅秩序
有冇諗定坐低傾過就打人屈人有罪
好多人無辜受罪
是非黑白唔可以再分清楚
剩番落嚟系一大片灰色地帶
咁多不同嘅意識形態傾唔埋
矛盾衝突凝聚無得轉態
無理由但佢又諸多借口
西方大國仍舊搵伊拉克買石油
美國仍然做世界最大嘅軍火出口
所以憎你系有理由
你仲系庶大口九

炭疽菌嘅殺傷力未必低過可樂
四圍起軍事基地嘅侵略性
未必低過麥當勞
邊個至系想侵略呢個世界
邊個至系想霸曬呢個世界
一個大國系咪要有番啲起碼嘅風度
唔炸人地大使館
你話系咪要道歉
買支古巴雪茄都買不到
微軟的壟斷手法直頭系拿正牌打劫

waco的事件 rodney king的事件
amadou diallo的事件 垂殺陳果人的事件
咁多事件之中我唎學唔學到
睇嗥唔系咁簡單 唔系咁一面倒
就算幾大個國家都有佢嘅問題
要放長遠啲眼光客觀啲去睇
唔好再淨繫掛住錢 做一隻無知井底
《醜陋的中國人》你自己買本慢慢睇




8.對錯

★Kit：
心灰意冷 做人已經做到心淡
付出 回報又得唔返
問題永遠 纏曉住我 圉曉住我 煩擾住我
開心呢種感覺 好似永遠被封鎖

一路諗 一路諗 愈諗愈覺得唔妥
唔想再面對呢一個無用既我
就好似死刑即將降臨 裁判團 一致通過
四周突然平靜 只係聽倒自已既心跳聲
劊子手即將要行刑 呢一刻唔會有人為我見證
因為呢一個係錯誤既決定

★Wah：
這一分鐘 腦袋空空
想放棄 心想到痛
看著背影 淚暗湧
過去背負枷鎖千斤重
這一分鐘 抉擇忍痛
要擁有妳 留低苦痛
決定了結束所有活動
哪個伴我冰冷身軀侍奉

★Kit：
個心好亂靜係諗返起以前既片段
埋怨繼續埋怨
★Wah：
愁更愁 憂更憂
妄想天荒地老後
★Kit：
天荒地老自尋煩惱
到頭黎又發覺身邊乜都冇
★Wah：
幸福又似夢幻
跟愛飄走 凋謝了
★Kit：
乜都冇個個掉轉都係得一個問號
人生路即將劃上句號
★Wah：
我為你祈禱 求天神做證
★Kit：
唔會有人為我見證 一個傖咄既決定
對與錯就由我去肯定
★Wah：
淒涼加上悲痛做反應

★Kit：
眨下眼 眨下眼 眨下眼就過
望返自己係咪 眨下眼 已經大個
唔好一時衝動做錯 眨下眼就過
望返轉頭只會覺得自己好傻

眨下眼 眨下眼 眨下眼就過
問題終會有一日 晴天雨過
唔好一時衝動做錯 眨下眼就過
望返轉頭只會覺得自己好傻


9.我愛香港

★MC Yan：
某一個下午 某個黃昏
一擘大眼 五時三十分
約埋班兄弟去飲返個早茶
不見不散 旺角彌敦道
點知咁蹺 又畀我睇倒一羞家事向大家報道

迎面兩個光頭鬼佬
行到唔多對路 試人問路
呢位崩頭 旺角細路
一身潮流打扮 仲鬼過鬼佬
蠱惑仔都識講Hello
人問多兩句 就問候人老母
我當堂睇到企度
你話好笑定好嬲好
原來人連最基本禮貌都做唔倒

★LMF：又點樣鐘意香港
★MC Yan：如果你個個都咁無禮
★LMF：又點樣鐘意香港
★MC Yan：如果你個個都唔夠Nice
★LMF：無辯法鐘意香港
★MC Yan：你個個都狗眼看人低
呢處認真弊 個個都大哥咁滯

★Kit：
歡迎各位 到香港
呢度係「購物天堂」唔駛講
旅遊事業 搞得咁好
都因為有好服務態度
以下表揚幾項服務

尖沙咀某影音舖
勤服務價錢又公道
一定會揀倒佢Sell你都

仲有某的士大佬
會充當導遊帶你遊街道
兜下呢度 兜下度
跳多幾錶 先至Call佢問路
落車 找數 佢加到 齊頭數
'鬼叫你係鬼佬'

★Wah：
香港地 香港地
又話係動感都市 笑死人 氣
自私自利 又卑鄙
冇禮貌 點解搞到呢個田地
朝朝早 迫迫摃
爭先恐後 你趕餐懵
打尖 推人 冇陰公
有理冇理 淨係掛住發夢
激鬼死 吹到啤啤聲嗌你
絕望地 搖頭唉氣
你班茂利 放屁 咪對住人

★Phat：
呢一個 彈丸之地
就死又好似未有耐斷氣
話之你 發曬老脾
佢 又梗係只顧住自已
有得睹 就冇錢博
有錢班就只係顧住揮霍
食得鹹魚又唔抵得渴
叫佢回水又側側膊
[以為唔多覺 衰咪又係恃住靠惡
人情紙咁溥 轉個頭又走埋跣人一鑊
喂 我又想問你 究竟幾時先至醒覺


10.夜晚上

★MC Yan：
就好似每一個晚上總會有一d事情發生
每人有一個故事 每個晚上都有一個故事
每人有一個夢想 每個晚上更係有大把人有夢想

呢一個晚上 就有條茂利住杯酒坐度胡思亂想
係胡思亂想 諗埋d要形容佢呢 就真係十分抽像
無乜紋路 又真係反映倒 呢兜友又真係冇乜做
無乜做 咪擔張橙仔坐個窗台等幾粒鐘等到下霧

★Wah：
尋尋覓覓 只求清洗我記憶
緣緣份份 最後變得似汗滴
男或女 癡情還又借
今晚 忘記了孤單一夜

★MC Yan：
呢一個晚上 呢位哥仔就諗起另一個晚上
佢俾佢個心上人飛 一個人返到屋企噩起頭望住個月亮
諗下諗下 諗到流眼水
呢個晚上 佢一定凹曬水
又無水又學人滾女 哀

★Wah：
離離合合 心靈如破碎瓦爍
無奈是你 又痛愛得似乏力
難避免 傷心的人是你
今晚 忘記了悲傷一夜

★MC Yan：
但係隔多兩個晚上
佢就身痕出動 同埋班friend
一齊出動 去打洞 四圍去女
去飲 吹曬水
所以話一到晚上人就自然會特別多咀
有你有我有佢
物卯類聚
唔好再匿埋一個人流埋d好悶眼淚


11.再見型過籠

演唱：Mc Yan／Phat／Kit／Wah

★MC Yan：
喂 你 點解你仲未死
你眼中 淨係得你自已
由細到大 都無人夠膽話你
去去 班友都係拍你馬屁

由你 一出世日計起
個天話你知 叫做運氣
你老母生到你咁款
唔駛憂柴憂米 你梗係無皇管

 你 究竟知唔知你自已
行到邊處 身邊都有陣悶氣
朝見口 晚見面  又係你
四圍認屎認屁  又係你

睇你 叫我睇你 睇我睇你
大家一早就知應該點樣睇你
你最型 你最型
你塊臉皮 係一張好厚日本旗

★Yan：
可能你呀 一心要做到自已 型到死
型到與別不同
 家陣全世界咪睇住你捉蟲
再見 型過籠 (型過籠)
可能你呀 一心要做到自已 型到死
型到與別不同
 家陣全世界咪睇住你捉蟲
再見 型過籠 (型過籠)

★Phat：
你要型 就唔係話唔比
型唔型得起 就要睇你自已
大條道理 你咪爭住發表自已
成日咁大口氣 係人都怕你

面係人地比 架就自已丟
對眼無病 又駛乜成日眼超超
我話過你聽 呢就叫做'囂'
黃皮白心 你點睇都似係 一隻蕉

★Kit：
Damn 睇見呢種人真係驚
明明呢度大 又扮曬講中文唔係好靈
講親每句都要加英文先至覺得好聽
Yo！What Up！Man. Yeah. Yeah.
中國人又改個日本名
好醜命生成
你咁樣點睇都似係
係一個家祥

型過籠
型過籠
型過籠
型過籠

★Wah：你咪再去輕佻
★MC Yan：你好命呀！ 你有老豆照！
★Wah：你再惡也需要求饒 你咪再去騷擾
★MC Yan：你不如 呀！ 返屋企食蕉
★Wah：撞扳 打白鴿轉

★Wah：
嘩 仔 你起圍 響 成街人
望住你 響旺角花園街
得十一呎距離
嚇親街坊時仲沾沾自喜
你好似仲未夠皮
你套細碼貼身小喇叭
難得你每個配搭 呱啦啦
七色檸檬頭 但係過期
嘩 型得你


12.樂壇班霸

你有你做你o既班霸
但我覺得你地最牙炸
我話你點極都唔化
做o的野出黎一樣咁炸
你地成炸 (你地成炸) 樂壇班霸 (樂壇班霸 )
算啦 算啦 快o的走啦 走啦＊

Hey Yo 呢隻歌你可以當係笑話一則
香港o既流行音樂都係笑話一則
明明唔得 個個又係度死plug爛plug
唔話過你聽你真係唔覺得自己核突
班霸 真係做音樂o既你又賣得幾多隻
幕後班夢炳就個個做到一隻隻劇
你係得o既就要你一年交一百幾十隻
你係唔得o既就要你一年抄一百幾十隻
你o的垃圾歌 全部同我擠低
音樂同娛樂圈根本就應該分開計
幾十歲人仲呃o的十幾歲o既o靚妹仔
忍唔住要唱出黎
We Gonna SAid your fault or right
我地講 野就係咁直一直
聽你o既音樂就死到直一直
捧咁多偶像出黎 個個都冇食力
點樣講你o既水準都係炸到極

人地每個地方都有唔同o既音樂 文化
點解香港音樂文化咁掉架
抄E度抄果度你因住俾人告
Fans 見到偶像就興奮到當場暈係度
班霸 口啞啞等我任你拖一下 (拖一下)
有冇覺得頒獎禮梗有番咁上下假
唱歌唔多唔輸梗會做馬
你地不如算吧啦～～
ｗｈａｔ 你又扮到咁鬼ｒｏｃｋ
ｙｏ ｙｏ ｙｏ 你又著到咁鬼ｈｉｐ ｈｏｐ
頂你個肺 ｏ的歌就ｐｏｐ到唔ｐｏｐ
但講落又話乜野正視音樂
喂 係你地無知
定係ｏ的聽眾白癡
你地係一堆爛泥就係人都知


13.WWW


14.債

葉：當天衝動不理結果 怎可分清楚
你怪我我怪你難以負荷
一息間的失控 實在沒法躲
這記耳光已無情地絕望地剩下我一個

MC仁：究竟你係邊一種父母
有句說話老豆養仔仔養仔 你送佢去

葉： (等你返黎)

MC仁： 係想佢做一個黃皮膚既鬼仔
定係想個女淨係識得落蘭桂芳湊鬼 你要繼續投機 俾多多錢

葉：(你要讀書俾心機)

MC仁：你唔要有你地D代溝 又pet佢去地球既另外一面
問你點收 但你可能覺得自己無本事 揹唔起家呢一個字

葉：(家呢個字)

MC仁：你唔俾佢呢樣個樣 驚佢學壞
但養佢又無Dum心機 睇住佢大 呢一個仔由細到大

葉：(由細到大)

MC仁：點都覺得自己父母 一世失敗
只不過佢地又係咁樣捱大 個包袱咁大
幾時至還得清呢一筆兒女債

葉：當天衝動不理結果 怎可分清楚
你怪我我怪你難以負荷
一息間的失控 實在沒法躲
這記耳光已無情地絕望地剩下我一個

MC仁：如果當初妳唔係咁樣既態度
今時今日 又點會行錯呢一條路

葉：我與你縱使有錯難解開心裡鎖

MC仁：假如你真係努力過 咁從頭黎過
我諗 又會係另外一個結果

葉：悲哀的心輕輕撫摸 越錯誤越逃避我

Kit：日日返親屋企都係見到家嘈屋閉
你教我點樣繼續再留低

Phat：(唔想留抵)

Kit：同佢傾親偈都係講埋D錢銀問題
有無關心過我日常生活既一切

Phat：點解由細到大都係自己解決問題
阿媽你為左自己拋抵屋企無再返黎無所謂
俾人睇低 俾人當我係孤兒仔
同老豆一齊只不過係為左發生關係

葉：當天衝動不理結果 怎可分清楚
你怪我我怪你難以負荷
一息間的失控 實在沒法躲
這記耳光已無情地絕望地剩下我一個

Wah：我 回頭又再遇從前 落寞伴著落日 往昔家中的抱怨

葉：我 願為你花去力氣 告別舊有隔膜 讓我跟你在一起

Kit：成日叫我學下邊個邊個個仔 做份也野工
讀緊也野系 我想話俾你知生我出黎唔係同人比賽鬥威
唔好成日羅我黎同人地比高低

Phat：時間一轉眼 點追都追唔番
諗番起細個又曾經作反出去玩 唔想番屋企覺得屋企好煩
書又唔讀 工又唔番 玩到唔知時間 光陰一去不返

Kit：無得簡 做人都係得果幾廿年時間
我諗一諗 供書教學其實都好大負擔

Phat：我地既出世就好似一張簽爆左既信用卡
分期攤還 最後發覺回頭太難

Kit： 我諗都係時候平心靜氣坐番低 去彌補同母親惡劣既關係

Phat：呢個世界根本就無解決唔到既問題 最怕你自閉 自己越轉越迷


15.返屋企

個個蒲 返屋企既故事
香港地算唔算係我地屋企
試下設身處地去諗下我地
點解個個都覺得自己衰到貼地
九七過後班鬼佬就納晒包袱飛番屋企
PET低你地班孤臣兒子響樹食自己
呀 去到第二度又黑鬼憎
拋底兇人咪又係死死地氣冷番黎
風暴過後啲人就更加凈係識得照顧自己
無晒方向感啲心態仲更加投機
啲貴樓就繼續起 丟空無人住都繼續起
唔俾你搬上去唔通關佢拖住你
連班金飯碗都慎 無晒士氣
做咁多門面野都是晒氣
家陣既香港同以前又邊樹 有得比

無論你去到幾遠記得要番屋企
邊度至是我地既成長地
無論你去到幾遠記得要番屋企
唔好忘記 唔好忘記
無論你去到幾遠記得要番屋企
呢度至是你地既成長地
無論你去到幾遠最緊要識得返黎
咪勞氣 咪洩氣

又有無念番起以前細個 一家人一張摺枱一齊食飯
電視送飯 睇歡樂今宵
但係家陣就各有各食
喳喳琳扒完就呢埋入房玩ICQ
以前既家個個都系獅子山下
睇下而家個個就要乜乜豪霆
你問下你個細佬邊個是衛亦迅
佢唔知 凈係識得有個陳亦迅
以前歌仔都有得唱我地大家係獅子山下頂硬上
而家香港唔似樣
香港無根 香港人無歸屬感
你班高官點唱都係廢話
有錢個班講野都係咁假
市民既生活就越來越差
至怕個個攬住一齊等死
咪怪我越描越黑無面俾

無論你去到幾遠記得要番屋企
邊度至是我地既成長地
無論你去到幾遠記得要番屋企
唔好忘記 唔好忘記
無論你去到幾遠記得要番屋企
呢度至係你地既成長地
無論你去到幾遠最緊要識得返黎
咪勞氣 咪洩氣

有太多的說話如何去表達
各有各的選擇 是無奈既瀟灑
誰不想可以留在家 誰人問可對話
有多少既年華